عدد الرسائل : 144 العمر : 37 البلد : مصر رقم العضويه : 2 تاريخ التسجيل : 05/04/2008
موضوع: شوربة السى فود الإثنين أبريل 14, 2008 3:07 pm
الغداء كان عباره عن شوربه سي فود..جمبري بالزيت والليمون..ارز بالجمبري..وطبعا السلطه والطحينه(انا قلت كمان اول مشاركه تكون اسماك لأني دمياطيه (مدينه ساحليه) وده اقل واجب اتفضلو معايا....
معلش الصور كانت بسرعه فنوعا ما مش مظبوطه
الجمبري بالزيت والليمون: -قومي بتحضير التتبيله وهي عباره عن ثوم وشطه وملح وكمون والمقادير تبع الكميه ولو بتحبي تزودي فأي مكون حسب الرغبه -نظفي الجمبري وقومي بعمل شق في الظهر ثم احشي الشق بالتتبيله وبعد ما تنتهي من الكميه اللي عندك ..خليها في طبق وضيفي عليها الليمون والزيت وسبيها نص ساعه -رصيها في صينيه ودخليها الفرن بس يكون حراره عاليه وسريع..او الافضل وده اللي عملته انهارده سويته علي نار البوتجاز علي حراره متوسطه والنتيجه اسرع من الفرن كمان بياخد حوالي من 15 الي 20 دقيقه -بعد النضوج رصيه في طبق وجمليه بالبقدونس (معلش مكنش عندي انهارده استبدلته بالفلفل والليمون)
الارز بالجمبري: مكوناته -ارز -بصل -فلفل اخضر جمبري حجم صغير او وسط -بهارات -قطعي بصله صغيره مكعبات(لو الارز لفردين)او قطعيها ناعم حسب الرغبه وارفعيها علي نار متوسطه لحد ما تاخد اللون البني (مش لدرجه الاحتراق يعني)ضيفي ليها حبه فلفل اخضر متوسطه مقطعه مكعبات ايضا وقلبي سريعا -ضيفي الجمبري مع التقليب ثم ضيفي الارز بعد غسله طبعا -ضعي مقدار الماء المناسب ومعاها الفلفل والملح والكمون واي بهارات تانيه تحبيها -بعد النضج قدمي الارز مع لمسه تجميل بالمتاح من المطبخ http://www.lakii.com/img/all/Apr08/jBHiPQ04071112.jpg
شوربه السي فود: المكونات بقي لازم تتقال من البدايه وهي عباره عن مقادير متساويه (او حسب الرغبه ممكن تزودي حاجه وتنقصي حاجه)من: -جمبري حجم صغير -سيبيا شرائح -بيض سيبيا -كابوريا منزوعه القشره الخارجيه ومقطعه -بكلويز.. -نص كوب لبن -مستكه وملح وفلفل
-ضعي في اناء(تجنبي التيفال والبيركس) حوالي معلقتين زيت واضيفي لهم المستكه -اغسلي البكلويز ثم اضيفيه للزيت مع التقليب حتي يتفتح البكلويز -ضيفي شرائح السيبيا والجمبري ووباقي المكونات مع الملح ورشه فلفل -اتركيها علي النار حوالي 10 دقايق ثم ضيفي لهااللبن ..اتركيها علي النار لمده 5 دقايق اضافيه ثم ارفعيها . http://www.lakii.com/img/all/Apr08/NuJn2l04071106.jpg
-في طبق عميق ضعي كميه الطحينه المطلوب عملها وضيفي لها اولا الخل والليمون وقومي بالتقليب حتي تصبح كتله واحده -اضيفي الزيت والثوم والملح والشطه وقلبي -قومي باضافه الماء علي دفعات صغيره حتي تحصلي علي القوام المطلوب -ضعيها في طبق التجميل مع اضافه زيت الزيتون http://www.lakii.com/img/all/Apr08/HD02ze04071113.jpg
الإثنين أبريل 14, 2008 3:07 pm
